L EuregioFamilyPass Südtirol remplazea l Südtirol Pass family o l Südtirol Pass a tarifa famillia, che ne puderà dal 1° de juni 2017 nia plu unì damandà y ne unirà nia plu dat ora.
Do l'ativazion online arà la cherta nueva la funzion dopla de cherta de viac sun i mesuns dl trasport publich ntegrà Südtirol y de cherta vantajes per giapé alesiramënc te butëighes y strutures per l tëmp liede tl Südtirol (la lista ajurneda cun duc i partner che fej pea ie publicheda sun la plata www.provinz.bz.it/familypass).
Chi che bele l Südtirol Pass family
Tl mëns de juni giaperà chi che à bele l Südtirol Pass family o l Südtirol Pass a tarifa familia tres posta, automaticamënter y debant, l EuregioFamilyPass Südtirol nuef.
Dan la ndrova sun i mesuns de trasport publich local muessa la cherta nueva unì ativeda online. Chësc ie de bujën per l cunsëns dl tratamënt di dac persunei coche cherta vantajes.
Sun la plata "Passaje dal Südtirol Pass family al EuregioFamilyPass Südtirol" iel da giapé ndicazions mpurtantes sun chësta fasa de passaje, ntan che sun la plata "EuregioFamilyPass Südtirol" iel publicà la nfurmazions genereles sun la cherta nueva.
Chi che ne à mo nia l Südtirol Pass y uel se damandé l EuregioFamilyPass Südtirol nuef
Chi che sta tl Südtirol y à almanco n mut sot ai 18 ani, possa damandé la cherta online a pië via dal 1° de juni 2017.
Sun la plata "EuregioFamilyPass Südtirol" iel publicà la nfurmazions genereles sun la cherta nueva.
