Una ragazza con gli occhiali lavora sul laptop, seduta vicino al finestrino in treno.

Bus y ferata impede limusines dla firma

"Jí incërch deboriada te na manira sostenibla" - na rezeta dla mobilité da fá do

30 de setëmber 2020

Co fej pa mies colaboradësses y mi colaboradus da rové sön le post de laur? Cun chësta domanda se dá jö tres deplü le personal diretif de aziëndes tl setur privat y publich. L'Uniun di paurs dl Südtirol á svilupé n conzet de mobilité por so personal aladô dl mote: tigní fora le trafich, sposté, mioré.

Sce an ó trá valch de positif fora dl lockdown gaujé dal coronavirus spo zënzater le fat che al ti á sot a cer aspec dé na sbürla al'inovaziun: al á coreté le homeoffice y le smartworking tl monn dl laur y á insciö mudé y scemplifiché te na manira sostenibla la vita da vigni de de val' pendolars. Mo i iadi da jí a lauré y i iadi por laur ne vára imponenia da evité. 

Por fá gní chisc iadi poscibilmënter plü ecologics y por smendrí n pü' les codes sön strada á l'Uniun di paurs dl Südtirol investí tla mobilité sostenibla por sü colaboradus bele cotan dan le lockdown. Cun le proiet "Jí incërch deboriada te na manira sostenibla" ne ti dá l'assoziaziun nia ma importanza al smartworking, al carsharing y a rodes de sorvisc: ara ti conzed implü a dötes les colaboradësses y düc i colaboradus che vá a lauré cun mesi de trasport-südtirolmobil n contribut anual de alplü 60 euro. Por chësc proiet a bëgn de döt le personal y dl ambiënt á l'Uniun di paurs dl Südtirol ciafé le pest dla mobilité dl Südtirol da en chësc ann che vëgn dé fora tres la STA - Strotöres Trasport dl Südtirol Spa, aladô dla deliberaziun dla Junta provinziala.

Le pest de scioldi - dij l'Uniun di paurs - gnará indô investí tla mobilité sostenibla a bëgn dl personal.  Al basta bele por un n contribut de spëises por le Südtirol Pass por almanco 100 colaboradësses y colaboradus y chësc é zënzater manco cer co posć da parché l'auto por nosc personal y limusines dla firma. Sigü él: la mobilité sostenibla porta früc. Chësc podess forsc ince ester n consëi por aziëndes che se fej pinsiers sön scincundes da Nadé o de compliann o ince sön val' ater sëgn por sües colaboradësses y sü colaboradus.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.