Laptop e cellulare

Ciafé le cunt online: sparagné scioldi y sconé l‘ambiënt!

Südtirol Pass: cun le cunt dl utënt y le paiamënt tres la banca vára le miú

Ai 14 d’aurí dl 2021

Che che ó paié sü iadi cun le Südtirol Pass comot tres la banca y desfira i sorvisc online tres le cunt dl utënt personal sparagna tëmp, scioldi y val’ dessenades. Sce i ëis n contrat prepaid (da paié danfora) o sce i ciafëis tres ciamó la cubita dl Südtirol Pass sön papier, spo podëise mudé chësc canche i orëis.

Da ma dl 2021 costel 2 euro sce an ciafa por posta la cubita dl Südtirol Pass. Por sparagné cosć y papier tleca n click y i ciafëis spo osta cubita digitala y debann tl dagní tl cunt dl utënt.

La mudaziun dl’ortiada dla cubita vëgn fata sön le portal dl Südtirol Pass tl cunt dl utënt personal sot le punt dl menü “Modalités de paiamënt y sort de cubita“. Vigni dui mëisc, y tl caje de de pices somes vigni cater mëisc, ves vëgnel ortié automaticamënter online les cubites.

Apropos comot: Sce i n’orëis nia tres ciarié sö le Südtirol Pass y ciaré do tan de scioldi che i ëis ciamó lassura podëise paié tres la banca; chësc pó gní fat te vigni momënt. La mudaziun dal contrat prepaid al contrat postpaid (paié dedô) vëgn ince fata tl cunt dl utënt sön le portal dl Südtirol Pass sot le punt dl menü “Modalités de paiamënt y sort de cubita”. Tres le formular web vëgnel generé l’inciara a tëmp indeterminé ala banca SEPA Direct Debit. Chësta é da scrí fora y da ciarié sö sot le punt dl menü “Documënc”. Üsc cosć de iade vëgn spo tl dagní trac jö diretamënter y periodicamënter dal cunt corënt tla banca.

Arjigné ca le cunt dl utënt online

Sce i n’ëis nia ciamó n cunt dl utënt por osc Südtirol Pass o Euregio Family Pass podëise le fá canche i orëis sön chësta plata web.

Tres chësc cunt dl utënt personal pón s’anuzé de düc i sorvisc online che reverda le Südtirol Pass. Danterater él chiló na suravijiun detaiada di iadi fac ti ultimi trëi mëisc y sü cosć; tl caje de fai pón le lascé alsavëi denant che al vëgnes arjigné ca la cubita.

Por domandes y aiüt podëise cherdé sö nosc zënter de sorvisc y informaziun südtirolmobil, numer de tel. 0471 220 880 – chirí fora 2, dal lönesc al vëndres dales 8 ales 18 o ortié na e-mail a suedtirolpass@suedtirolmobil.info.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.