Un passeggero sta aspettando il treno

Covid-19: Mosöres de segurëza ciamó plü strëntes

Ferates y bus: ma plü le 50 % di posć

3 de novëmber dl 2020

Mosöres por smendrí la difujiun dl Coronavirus: da en mercui, ai 4 de novëmber, inant pón ma plü s’anuzé tl Südtirol dl 50 % di posć.

Porvia di numeri de infeziun dër alc tl Südtirol, á la junta provinziala preodü, do le lockdown d’aisciöda, indô mosöres plü strëntes. Pro chëstes toca la stlüta de eserzizi de restoraziun y botëghes, la proibiziun da mëte a jí manifestaziuns de vigni sort. Implü ti vëgnel damané ala jënt da schivé i contac cun les porsones cun chëres che ares ne vir nia adöm y da se tigní ales regoles d’igiena.

Ti mesi dl trasport publich pón ma plü s’anuzé da en mercui, ai 4 de novëmber, cina en domënia, ai 22 de novëmber, dl 50% di posć tles ferates y ti bus. I iadi di bus y dles ferates romagn anfat. Al ne vëgn straiché degügn iadi, sciöche al ê gnü fat d‘aisciöda, ater co chi dl nightliner.
I ves recordun che an pó jí cun la ferata y le bus sce an á na cherta de iade varënta obliterada.

La junta provinziala damana indô les zitadines y i zitadins da se comporté cun responsabilité. Chël ó dí por che che vá cun la ferata y le bus da se stopé la bocia y le nes, da respeté la destanza y da jí ma cun i mesi publics sce al vá veramënter debojëgn, sciöche por ejëmpl da jí a lauré o a scora.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.