Orars 2022: I adorun Osta minunga!
Menesse ostes osservaziuns sön i orars di bus y dla ferata
de plu nfurmazions Stlù l menù
Persone sedute in treno

Ferata: l vën mustrà su l livel de ciariamënt

Crissa di orares online śën cun funzion nueva

17 de merz 2021

Chiche ulëssa schivé mesuns de trasport publics straplëns y se nuzé de n auter viac vën nfurmà n cont dl livel de ciariamënt di mesuns de trasport canche l chir online l orar sun la plata dla südtirolmubiltà. L livel de ciariamënt stimà vën śën mustrà su te n prim var per la ferates regiuneles y po, tl daunì, nce per i cunliamënc cun la curieres.

Nchinamei tl ann dl Coronavirus 2020 ie la crissa online di orares unida nuzeda nchin a 25.000 iedesc al di sun la app südtirolmubiltà o sun la plata web. Sce l ie da se aspité n livel de ciariamënt bas, mesan o aut pra n viac cun la ferata, chël vën śën mustrà su cun na funzion nueva y senialà per uni viac cun l simbul de una, doi o trëi persones. Tl cajo de n ciariamënt bas ie plu che la mesa pert dla lueges da senté liedies, tl cajo de n ciariamënt mesan mé plu n valgunes. N ciariamënt aut uel dì che l ne ie bonamënter plu da garat deguna lueges da senté y che n muessa sté mpe.

L calcul dl livel de ciariamënt stimà se nuza de metodes dla inteligënza artifiziela y se stiza sun n model nsci tlamà „machine-learning“ che calculea na prognosa sun la basa de dac de cunvalidazion storics n cumbinazion cun dac atuei dlarisses di orares online di dis passei. Chësta prognosa ie scialdi pezisa n cont di viages y dla ferates y tën perchël nce cont dl ciariamënt variabl de na ferata ntan n viac.

Tosc unirà chësta funzion slargeda ora sun i cunliamënc cun la curieres y nsci puderà i/la viagiadëures tosc nce se nfurmé danora sun l livel de ciariamënt jagà de uni viac per la curieres de zità y regiuneles.

L proiet vën realisà cun l sustëni dl Fonds-EFRE tl cheder dl proiet "Bingo".

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.