Orari

Orars 2021: N gran laur deboriada

Novités en chësc ann por le pröm iade cun la partezipaziun direta di zitadins y dles zitadines

3 de dezëmber 2020

Al é rové adalerch prësc 400 propostes por ci che reverda i planns di orars dl bus y dla ferata, tröpes de chëstes vëgn bele en chësc ann tutes en conscidraziun. Chësc é le bilanz dla consultaziun dla zitadinanza por l'elaboraziun di orars che é gnüda tignida por le pröm iade tl Südtirol te chësta forma en chësc ann de ma.

L'Ofize provinzial Trasport de porsones valutëia chësta prozedöra por determiné i orars tl trasport local sciöche n' "esperiënza de valüta y dër positiva". La poscibilité da daidé instësc mëte jö ativamënter i orars é gnüda tuta sö dër bun y al é gnü a se le dé na dinamica nöia tl barat cun les zitadines y i zitadins. Incër 300 porsones á tut l'ocajiun da ti lascé alsavëi diretamënter tres e-mail ai tecnics di orars sü dejiders o sües propostes sön l'oferta dla mobilié publica. 

L'Ofize Trasport de porsones á valuté vignöna dles 400 propostes por odëi sce ares é realisables. Cotan de porsones s'á lascé adintëne por ejëmpl por ci che reverda la linia dl bus Balsan-Maran, les linies dl bus sön le Renun, les linies tl raiun de Maran-Hafling-Vöran/Falzeben, y ciamó propostes desvalies sön 90 d'atres linies. Gonot nen jôra d'aumenté l'oferta, amplié i orars dadoman adora y da sëra, de trasses nöies y ince d'otimisé les linies de coliamënt. 

Presciapüch meses les propostes é bele rovades ite ti orars dl bus por le 2021. De mëndres novités él ince por ci che reverda le trafich dla ferata regional, mo por de gran mudaziuns di orars dla ferata ól indere ester plü tëmp de programaziun. I orars nüs vá sciöche vigni ann en forza cun la secunda domënia de dezëmber. Sigü él: I orars de südtirolmobil é n cantier permanënt olache la partezipaziun dla zitadinanza sará ince tl dagní dër importanta.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.