Orari

Orars: brosciüres de jená dl 2021

Porvia dl Covid-19 orars nia ciamó stabii

Ai 18 de dezëmber dl 2020

La situaziun gaujada dal Coronavirus se ghira da mëisc y ince sëgn de dezëmber tresfora ciamó mudaziuns pro i orars di bus y dla ferata. Porchël n’éra nia jüda da stampé les brosciüres di orars; chëstes gnará stampades de jená. 

Chësc ann él sté sciöche jí sön les munts rusces da ciaré da arjigné ca i orars nüs por le trasport publich: danter indicaziuns iuridiches, limitaziuns di movimënc, mosöres de segurëza y bojëgns reai di grups desvalis, é i orars gnüs mudá ne sá ma nia tan de iadi. I dac vëgn atualisá tresfora dai tecnics y ajuntá ti sistems de dac a na moda che l’archirida di orars online sides tres ajornada sön chësta plata web. Chësc ann n’éra nia jüda, y an á araté che al ne foss por nia, da mëte a desposiziun tabeles de orars te brosciüres stampades canche an á mudé i orars a mez dezëmber.

Al é gnü fat fora che de jená dessel gní stampé i pröms orars sciöche brosciüres di raiuns tl pice format. Chëstes é plü saurides da adoré co le gran liber di orars anual y vá da mudé plü debota sce al vá debojëgn. Di iadi scolastics dessel gní tigní cunt separatamënter, ajache pro chisc iadi él la maiú pert dles mudaziuns porvia dl Coronavirus. L’ann che vá a piz nes porta les brosciüres di orars por i passajiers y val‘ turnus speziai por i tecnics di orars tl ofize provinzial dla STA.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.