Orars 2022: I adorun Osta minunga!
Menesse ostes osservaziuns sön i orars di bus y dla ferata
de plu nfurmazions Stlù l menù
Laptop e cellulare

südtirolmubilità - Aldí impede lí

Informaziun zënza barieres pro le portal dla mobilité y la app

11 de merz 2021

Fá che poscibilmënter dötes les porsones ti pois pormez saurí ala mobilité publica é un di obietifs prioritars de südtirolmubilità. Nia ma l’adoranza dl bus y dla ferata dess ester zënza barieres, mo ince l'azes a dötes les informaziuns che reverda le trasport local publich.

Bele tla pröma fasa de realisaziun de chësta plata web y dla app por le smartphone che toca lapró s'á le team dl proiet dla STA tres indô baraté fora cun la cooperativa soziala independent L. por ester bogn da realisé la plata web nöia zënza barieres, chël ó dí che ara pois ince gní adorada, tan inant che al é poscibl, da porsones cun dejabilités visives o motoriches. Ti mëisc passá él gnü ciamó n iade perfezioné la plata web y la app, en colaboraziun cun l'Uniun dles porsones verces y che stënta da odëi, por che ince chisc grups de porsones ti pois pormez plü saurí ales informaziuns sön i orars y ince a düc i tesć d'informaziun.

Aladô dl moto "Aldí impede lí" é les porsones cun na dejabilité visiva bones da navighé tres la plata web y la app y da s'informé sön i orars y düc i argomënc dl trasport local publich. Le portal dla mobilité y la app é gnüs conzepis cun istruziuns vocales a na moda da podëi gní anuzá dai screenreader plü adorá sciöche VoiceOver y TalkBack. Pro chësta aplicaziun vëgn feter düc i elemënc de test lic dant tl lingaz chirí fora todësch, talian o inglesc; danter chisc tesć él l'informaziun sön i orars, dötes les informaziuns sön le sistem tarifar, les chertes de iades y i prisc, y les descriziuns dles imajes. Al é ince a desposiziun na cherta da n contrast alt aposta y n pü' mëndra che pîta n aiüt da s'orienté sce na porsona vëiga mal.

Les porsones cun na dejabilité motorica pó s'anuzé dla plata web südtirolmubilitá ince ma tres la tastadöra, cun i botuns de direziun y le tabulator, sce al ess da ester dificoltés da adoré la mouse dl comupter.

L'azes zënza barieres sará te vigni caje ince tl zënter dl svilup dl portal dla mobilité. Les informaziuns plü importantes sön la mobilité publica y le Südtirol Pass é ince da ciafé tl lingaz saurí da capí sön la homepage dl'Aministraziun provinziala.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.