Una ragazza seduta in autobus lavora con il laptop. Sullo sfondo si vedono altri passeggeri.

L Südtirol Pass

Cun una na cherta – dut l Südtirol te fuia

L Südtirol Pass ie na cherta de viac eletronica che possa unì adurveda coche abunamënt per dut l ann per duc i mesuns de trasport publics tl Südtirol. L prinzip: Plu chilometri che n furnea tl tëmp de n ann y plu a bon marcià che la tarifa chilometrica sarà.

L priesc per uni viac vën ratà automaticamënter pra la cunvalidazion aldò dla sort de cherta: o tres detrazion periodica diretamënter dal cont bancher o tres detrazion de uni viac dala soma ciarieda su.

Saurì da adurvé y flessibl:

  • te dut l raion dl trasport publich südtirolmubiltà cun leprò nce la ferates regiuneles nchin a Trënt;
  • ala tarifa ÖBB nce sun la trasses dla ferata Prëner-Dispruch y Sanciana/Vierschach-Lienz; sce n uel possen registré la cherta de vantaje dla ÖBB (ÖBB-Vorteilscard);
  • per tré ju la tarifa per n di sce n tol pea la roda;
  • per tré ju l priesc dl viac sce n tol pea n tier;
  • per viages cun la curieres Nightliner.

La cherta ne possa nia unì adurveda per viages cun ferates a destanza longia (EC, Freccia, Italo, Railjet y nsci inant).

L Südtirol Pass possa unì damandà online da persones cun n numer de codesc fischel talian che ie residëntes tla Union Europeica o tla Svizera o che lëura, va a scola o studieia tla provinzia de Bulsan.
Mutons y mutans che ne à mo nia cumplì 18 ani, nce tei che ne viv nia tla provinzia de Bulsan o che ne va nia tlo a scola, giapa l Südtirol Pass a n priesc alesirà.

Se damandé l Südtirol Pass

Cosć y priejes de viacChevron

Spëisa d’emiscion unica: 20 Euro.
L priesc per n viac cun la curiera o la ferata vën a se l dé dai chilometri furnei y l priesc dl livel tarifer curespundënt. Via per l ann, cun l se amudlé di chilometri furnei, vëniel aplicà var do var 5 livei tariferes cun n priesc chilometrich che se arbassea man man. Cun uni ann de referimënt (for dala data dla prima ativazion dl Südtirol Pass) vën l cont chilometrich dl Südtirol Pass metù a nul y l scumëncia inò l livel tarifer 1.
L priesc di viages vën calculà nsci:

Livel tarifer Chilometri furnei te n ann Priesc de viac ala tarifa chilometrica
1 1 a 1.000 km 12 Cent
2 1.001 a 2.000 km 8 Cent
3 2.001 a 10.000 km 3 Cent
4 10.001 a 20.000 km 2 Cent
5 da 20.001 km 0 Cent
  Soma mascima al ann 640 Euro

L priesc minim per uni viac curespuend a 10 km tariferes. Per viages de cunliamënt cun curieres te duc i luesc ora che Bulsan y Maran vëniel ratà n priesc minim de 5 km tariferes.
Curieres de zità Bulsan y Maran coche nce Citybus: duc i viages tl tëmp de 60 menuc tla medema zona tarifera vën cunscidrei sciche n viac sëul.
Tarifa al di de al plu 15 Euro: Per i viages fac dai passajires vëniel trat ju al plu 15 Euro al di, chël curespuend a n priesc de 1 Mobilcard de n di. Sëuraprò vëniel sce n cajo nce ratà l priesc de viages sun la trasses dla ferata Prëner-Dispruch y Sanciana-Lienz, l priesc de viages cun i Nightliner o chël dl cost tl cajo che n tol pea na roda o de n tier.

Südtirol Pass: Co l damandé?Chevron

L Südtirol Pass possa unì damadà sun chësta plata web. N adrova:

  • i dac persunei dla persona che fej dumanda
  • n numer de codesc fischel dla Talia *
  • na copia digitela (fotografia) dla cherta d’identità
  • la coordinedes bancheres (IBAN, SWIFT / BIC Code, banca y filiela) per chëi tlienc che uel paië si viages tres paiamënt bancher

* Chi che ne à degun codesc fischel dla Talia possa se l damandé pra l’Agenzia dla Ntredes

Pra la dumanda online possel nce unì adurvà na tle d’azes digitela (SPID o cherta servijes ativeda cun letëur). Pernanche l SPID o la cherta servijes per i servijes online dl Südtirol Pass vën nuzeda ie l azes al cont de nuzeda dadedò mé plu puscibl cun la tle d’azes digitela.
Canche n fej la dumanda iel da dé sëura l cuntat per la nfurmazions che n uel (SMS o e-mail) y la maniera de paiamënt: cherta postpaid (chësta maniera vën cunsieda ajache i viages fac possa unì trac ju saurì dal cont dla banca) o cherta prepaid (che ie da ciarië regulermënter cun na cërta soma de scioldi).
Do che n l à damandà vën l Südtirol Pass mandà a cësaper posta adum cun na plata de nfurmazion per l’ativazion y la nuzeda dla cherta.

Se damandé l Südtirol Pass

Cont de nuzeda onlineChevron

N cunsiëia de se njinië ite bel debota n cont de nuzeda persunel online canche n fej la dumanda. Tres chësc portal possa i passajires dejëujer duc i servijes digitei che à da nfé cun l Südtirol Pass y for vester nfurmei sun i viages fac cun la curieres y la ferates, sun l cont persunel di chilometri fac, sun la tarifa atuela, sun i ciariamënc fac o sun contes dl Südtirol Pass giapedes. Oradechël possen, scencajo che l fossa suzedù vel’ fal tla calculazion o tl’atribuzion de viages, fé na retlamazion acioche l fal vënie cumedà.

Südtirol Pass Portal

Spëisa de emiscion unicaChevron

L paiamënt dla spëisa de emiscion unica de 20 Euro vën fat nsci:

  • canche n fej la dumanda online tres la cherta de credit / pagoPA (l possa unì a se l dé spëises);
  • pra la purteles de venduda autorisedes canche l Südtirol Pass vën ativà y ciarià su;
  • pra la chertes postpaid cun la prima conta (SEPA Direct Debit);
  • sce n sta oradecà o sce l Südtirol Pass vën mandà oradecà ie la spëisa de emiscion da paië danora y chël online cun cherta de credit o tres detrazion dal contcurënt bancher.
Ativé l Südtirol PassChevron

L Südtirol Pass vën mandà a cësa per posta do che l ie unì fat dumanda online. Dan che n l’adrova per l prim iede muessen l ativé (Freischaltung):

  • online tres l cont de nuzeda persunel dajan sëura l numer dl Südtirol Pass;
  • pra la purteles de venduda de chertes autorisedes y pra la lueges de venduda südtirolmubiltà;
  • tres telefon pra l Call Center Info Mubilità840 000 426 (lunesc – vënerdì dala 9:00 ala 13:00 y dala 14:00 ala18:00). Da dé sëura ie l numer dl Südtirol Pass y l numer de codesc fischel.

L possa datrai duré n valgun’ ëura nchin che l’ativazion vën registreda te dut l sistem di dac y nchin che l Südtirol Pass nuef possa unì adurvà.

Ciarië la cherta prepaidChevron

L Südtirol Pass (cherta prepaid) possa unì ciarià nsci:

  • tres cherta de credit (Visa o Mastercard) / pagoPA (l possa unì a se l dé spëises) tres l cont de nuzeda persunel online o tres homebanking (vel mé per la banches autorisedes);
  • pra duta la purteles y lueges de venduda de chertes de viac südtirolmubiltà;
  • pra i automac de venduda de chertes de viac;
  • sun la curieres regiuneles; te chësc cajo possel duré n valgun dis nchin che l ciariamënt ie unì registrà; ma l Südtirol Pass possa mpo unì adurvà.

Valor de ciarieda: almanco 20 Euro.
Rest minim ciarià su: 10 Euro; sce n va sota chësc rest vëniel senialà sun l display pra la cunvalidazion per nfurmé che l rest va a piz.
Sce l rest sun la cherta ie manco che nul Euro (saldo negatif) ne possa l Südtirol Pass nia plu unì ciarià su tla curiera. L valor de ciariamënt minim ie te chësc cajo de 30 Euro (20 Euro plus 10 Euro de rest ciarià minim).

Validità y slungiamënt automatichChevron

L Südtirol Pass vel per n ann do la prima cunvalidazion. Do che l ann ie passà vën la validità slungëda automaticamënter de mo n ann cun la prima cunvalidazion. L cont chilometrich dl Südtirol Pass vën cun uni ann de referimënt nuef metù a nul y l scumëncia inò l prim livel tarifer.
Sce l Südtirol Pass ne vën nia adurvà per doi ani vëniel dejativà d’ufize canche l segondo ann de validità ie passà.

Sce n giap n pop…Chevron

Coche genitores o persones cun dërt d’educazion de mutons y mutans sot ai 18 ani à i pussessëures de n Südtirol Pass la rejon de tarifes dl Südtirol Pass arbassedes y i possa se damandé online l Euregio Family Pass. La cherta de viac nueva vën data ora y mandeda a cësa debant. Duc i dac, l cont chilometrich y nsci inant vën sëurantëuc automaticamënter sun la cherta nueva; l vedl Südtirol Pass vën dejativà.

Se demandé l Euregio Family Pass

Se damandé n duplicatChevron

Sce n se pierd la cherta dl Südtirol Pass, sce la vën rubeda o sce n vëij che la ie danejeda possen se damandé n duplicat per l priesc de 20 Euro, y chël:

Metëde verda: La dumanda ne possa nia unì trata zeruch.

Sce n ne vëij pra la cherta dl Südtirol Pass degun dann ma la cherta ne funzionea nia pervia de n defet o l deslisamënt dl material possen se damandé pra la lueges de venduda südtirolmubiltà na copia dla cherta. Chësta ie debant.