Una ragazza con borsa e valigia cammina lungo la banchina della stazione. Guarda verso i binari.

Retuda o bon

Nosc servisc tlienc ie for tlo per vo

Nia for ne va dut coche l dassëssa, uni tecnica possa nce falé datrai. Sce la chertes de viac o i njins de cunvaldizion ne va nia: L servisc tlienc südtirolmubiltà ie for tlo per vo.

Dumanda de retuda: Scencajo che l passajir/la passajira ëssa paià per n viac n priesc massa aut y chësc possa unì desmustrà, vën la soma curespundënta  repurteda coche bon sun l Südtirol Pass o paieda tres banca. La dumandes de retuda vën for ejaminedes singulermënter y les possa unì mandedes ite tres chësc formuler.

Formuler per la retuda

Chertes de viac che resultea “nia da liejer” pra l njin de cunvalidazion o che ne vën nia azetedes, ma che ne semea da dedoravia nia danejedes, possa unì baratedes ora pra la lueges de venduda cun chertes nueves dla medema sort cun l valor curespundënt ala soma resteda lessù.

Chertes de viac scëmples, che ne ie nia unides adurvedes, y chertes valor destumedes possa unì retudes tl tëmp de n ann do la destumeda pra la lueges de venduda südtirolmubiltà. L vën mé paià ora somes da 10 Euro insù. Pra somes sota 10 Euro iel puscibl, tl tëmp de n ann do la destumeda, trasferì la soma resteda sun na cherta valor.

Südtirol Pass / Euregio Family Pass: Chiche ne uel nia slungë l tëmp de validità de n Südtirol Pass (cherta prepaid) possa te uni mumënt se damandé la retuda dla soma mo resteda sun la cherta pra la lueges de venduda südtirolmubiltà y dé ju la cherta.

Tardivanzes y suprescions de curieres o ferates

Sce l ne ie nia puscibl fé o finé n viac pervia de ntraunides o situazions nia preududes, che ne ie nia da atribuì ala mpreja de trasport, ne à i/la passajires de regula nia la rejon de se damandé la retuda dl priesc dl viac o l slungiamënt dla validità dla cherta de viac.
Tl cajo de viages cun la ferata possa i/la passajires damandé la ndenisazion dla spëises dl viac sce l ie na tardivanza de plu che 60 menuc sun la trassa danter la lueges de partënza y de destinazions dates sëura sun la cherta de viac y sce l ne ie mo nia unì retù l priesc dl viac. La ndenisazion ie dl 25 percënt dl priesc dl viac pra na tardivanza da 60 a 119 menuc y dl 50 percënt dl priesc dl viac per na tardivanza da 120 menuc insù.
Deguna rejon de ndenisazion ne àn sce n ie bele unic nfurmei dla tardivanza dan che n à cumprà la cherta o sce n ruva a destinazion cun na tardivanza de manco che 60 menuc ajache n pudova se nuzé, per furné inant, de n auter servisc de trasport o fajan l viac sun n’autra trassa. Tl cajo de somes sota 4 Euro ne vëniel nia fat ndenisazions.

Ticketfinder
N cunsëi asvelt per té: tlo giapes la cherta de viac che passenea per té.
Mo d'autra nfurmazions
Sistem tarifer y cunvalidazion dla chertes de viac
Nsci vala: cunvalidazion contactless y calculazion dla tarifa.
Mo d'autra nfurmazions

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.