N'ëise nia ciamó fat fora olá jí la fin dl'edema? En sabeda, ai 25 de ma dl 2024 él indô le De dla mobilité dl'Euregio. Spo podëise jí debann cun i mesi dl trasport publich a ti ciaré al'Euregio Tirol-Südtirol-Trentin.
Ci mësson pa fá?
Ëise n Südtirol Pass, n Euregio Family Pass, n Südtirol Pass abo+, n Südtirol Pass 65+ o n Südtirol Pass free? Spo podëise pié ia!
-
Obliterede osc iade sciöche dagnora cun Osc Südtirol Pass – le iade ne vëgn nia trat jö. Tl Land Tirol y tl Trentin vel le Südtirol Pass (y dötes sües sorts) sciöche documënt da mostré sö.
-
Tolede n bus o na ferata dl trasport local (nia ferates che vá lunc) y jide incërch tl'Euregio.
Cun ci mesi dl trasport publich podëise pa jí en chësc de?
- Südtirol: düc i mesi de südtirolmubiltà (cun lapró l'auto dla posta dla Svizera da Mals a Müstair), ater co i bus dla linia 282 Tanas-Laas y le Nightliner;
- Tirol: bus y ferata dl trasport publich dl Tirol (VVT), bus y ferata di mesi dl trasport de Desproch (IVB);
- Trentin: sorvisc de cité a Trënt, Rorëi, Riva del Garda, Arco, Nago Torbole, Pergine y Lavis - mesi de trasport dl Trentin defora da cité che vá danter Trënt-Malé, tla Valsugana (danter Trënt y Primolano) - la ferata sön la linia dl Prener danter Borghetto y Mezzocorona - la furnadoia da Trënt-Sardagna.
Sorvisc surapró, Nightliner
I sorvisc surapró (por ej. tó para tiers y rodes) y le Nightliner mëss gní paiá.
De plü informaziuns sön le De dla mobilité dl'Euregio él da ciafé sön la plata web www.euregio.info/de/mobilityday
STA/Manuela Tessaro