Śën iela tan inant: ncuei mierculdì, ai 26 d’agost 2020, pëia la südtirolmubiltà via te na era nueva. Cun n cialé ora nuef defin, cun nfurmazions di orares y dac tl tëmp reél, cun descrizions dla trasses prezises y material cartografich, cun cuntenuc atualisei y n adatamënt otimal y automatich a duc i formac y njins mobii.
L vën śën nce metù a despusizion la app nueva y dal medemo inuem “südtirolmubiltà“, che ie unida penseda y laureda ora aposta y da nuef per la mubiltà publica de nosta provinzia. Chësta app remplazea la app “Südtirol2Go” n droa nchin ncuei.
La plata web nueva tol ite trëi tematiches zentreles y chël tla trëi rujenedes tudësch, talian, ladin y nglëisc:
- La nfurmazion online di orares, n pert tl tëmp reél, coche nce nfurmazions atueles per i/la passajires n cont dla mubiltà publica tla provinzia;
- Duta la nfurmazions sun la chertes dla südtirolmubiltà, sun l sistem dla tarifes y sun la cundizions de nuzeda tl trasport local publich;
- L portal dl Südtirol-Pass per dejëujer duc i servijes ntëur l Südtirol Pass.
La app südtirolmubiltà nueva ie unida laureda ora spezialmënter per la majera grupa de nuzadëures: la ti vën ancontra a duc chëi y chëles che furnea iust ncantëur te nosta provinzia cun la curiera y la ferata y che à de bujën de na nfurmazion asvelta y da pudëi se lascé lessù. Perchël ie chësta app unida fata a na maniera scëmpla cun nfurmazions online sun in orares, material cartografich y ndicazions atueles sun l trafich.
Bon po: se ncunferton a te acumpanië canche te ies de viac, te mbincion na bona partënza cun la südtirolmubiltà y for inò n bon viac!