Pervia dla neutralisazion de n relit de viera sun la plaza Verdi a Bulsan n dumënia, ai 27 de setëmber danmesdì dala 9.00 a, bonamënter, la 11.00, vën l zënter de Bulsan (zona cuecena) rumà y śarà ju defin per rejons de segurëza. Pra chësta zona tochel nce la stazions dla ferates y dla curieres.
Te gran pert di autri raions dla zità (zona ghiela) ne daussen nia se tenì su dedora. La stredes ie śaredes y l vën fermà dut l trafich dla ferates y dla curieres tl raion d Bulsan. Sce l ne ie deguna tardivanzes vën l trafich dla ferates y dla curieres inò metù a jì do y do dala 11.00 inant. Tlo na sëuraududa asvelta. Duc i detai n cont dla linies dla curieres y dla ferates singules ie da liejer sot a “comunicazions atueles”.
Ferata
L servisc dla ferata resta fërm ntan che la bomba vën neutraliseda:
- Sun la linia dl Prëner sun la trassa Pruca – Bulsan – Branzoll
- Sun la linia de Maran sun la trassa Bulsan – Sigmundskron.
Pervia che l zënter dla zità ie śarà ne iel nia preudù n servisc de sostituzion cun la curieres.
Curieres regiuneles
La curieres regiuneles va n dumënia danmesdì mé ora dl raion dla zità de Bulsan. N valguna linies pëia via o ruva dala/nchin ala ntredes dla zità y/o dal/nchin pra l spedel. N valguna linies funzionea sun trasses scurtedes, vel viac toma ora defin.
Curieres de zità dla Sasa
Tl tëmp danter la 8.15 y ntëur la 11.45 vëniel mudà o n pert straicà n valguna linies. Puech do la 8.00 pëia via i ultimi viages aldò dl orar reguler. Dala 9.05 pëia via l ultim shuttle-bus dala stazion al zënter dl sport (Stadthalle/Palasport) de Bulsan ulache la zitadines y i zitadins che sta tl zënter de Bulsan possa se tenì su ntan l’evacuazion. L shuttle-bus fërma sun la plaza dla stazion, sun la plaza Walther, sun la plaza Dominicans, tla streda Cassa dl Sparani, pra l zënter dl sport (Stadthalle/Palasport).
Stazion dla curieres y Infopoint
Tla stazion dla curieres de Bulsan ne val danter la 9.00 y (bonamënter) la 11.00 deguna curieres. Sce l ne vën a se l dé deguna tardivanzes sarà la sala d’aspiteda, i chegadoies y i Infopoints inò azessibli do la 12.00 nchin da sëira. La purteles de venduda dla chertes resta dut l di śaredes.
Furnadoies
La furnadoia dl Renon resta fërma dala 9.00 ala 11.00, uel dì nchin che la bomba ie unida neutraliseda. La furnadoia sun Kohlern va n dumënia permò dala 12.00 inant.