Ince chësc ann ëise indô la poscibilité da controlé damperfora i orars di bus por le proscimo ann y ortié inant osservaziuns tres e-mail.
Dantadöt por les porsones che vá tröp cun i mesi dl trasport publich, che vá vigni de a lauré impara, por scolars y scolares, studëntes y studënc cunta vigni menüt. Él - ince ma de pices - mudaziuns sön Osta linia che podess ester problematiches? Él mo forsc gnü calcolé massa püch tëmp sön Osta linia? Él coliamënc che n'é nia gnüs calcolá sciöche al alda? Mancel do Osta rata iadi importanc?
Dailó podëise ortié ai 4 de jügn Ostes osservaziuns tres e-mail a 2025@suedtirolmobil.info.
Ciodí adorunse pa Osta colaboraziun?
- I oresson Ves pité la poscibilité da nes lascé alsavëi te na manira saurida y diretamënter Ostes osservaziuns por le proscimo ann;
- lascesse alsavëi sce al é fai o loces ti orars.
Bun da savëi
Le prozedimënt de definiziun dl orar, chël ó dí la partezipaziun direta dla popolaziun da arjigné ca l’orar, vëgn fat plü o manco insciö te döta l’Europa y é ince gnü porté ite tres deliberaziun dla Junta provinziala tl Südtirol dan da n valgügn agn. Cun suzes: Al röia adalerch vigni ann tröpes osservaziuns sön les linies dl bus y dla ferata. Tröpes de chëstes é bele gnüdes laurades ite ti orars o al é preodü da les ajunté.
Orars dla ferata
Por i orars dl ann 2025 romagn la linia dla ferata Franzensfeste – Bornech stlüta. L'orar dla linia dla ferata dl'Alta Val de Puster gnará mudé: I orars gnará sburlá de 15 menüc, chësc ará sambëgn ince conseguënzes sön l'orar di bus.
Da mudé i orars dla ferata vál de regola debojëgn de de plü tëmp. Chësta prozedöra da mudé i orars vá ma intant bun, ajache les mudaziuns se ghira n'acordanza detaiada por n tëmp lunch cun la sozieté dl’infrastrotöra dla ferata.
STA/Manuela Tessaro