D'isté fej l'aziënda dla rëi dla ferata RFI (Rete Ferroviaria Italiana) de gragn laurs sön la linia dla ferata de Maran. Al vëgn arjigné ca l'inserimënt dl sistem de control dles ferates europeich ETCS, che conzed danterater che al passes tröpes ferates indolater. Le sistem de control dles ferates öga dantadöt da alzé la segurëza de döta la linia a na moda che tëgn pro.
Por chësta rajun sará la linia dla ferata da Maran stlüta da en lönesc, ai 17 de jügn dl 2024 cina en mertesc ai 16 de messé dl 2024.
Sorvisc de bus de sostituziun
Tratan che la trassa é stlüta vëgnel pité vigni mesora n sorvisc de bus de sostituziun. Al pëia ia tl medemo tëmp altamo dui bus:
-
Expressbus (B200-Express): le Expressbus vá dala staziun dla ferata de Balsan (plataforma F, Rittner Straße) tres la MeBo cina ala staziun dla ferata de Maran (fermada Z pro le sotpassaje dla staziun dla ferata) y zoruch. Le bus stá ma chit pro chëstes architades: staziun dla ferata de Balsan süd - fiera y staziun dla ferata de Lana-Burgstall. Por rajuns de segurëza ne pón nia sté impé tl Expressbus, an mëss se senté jö.
-
Bus B200: le secundo bus B200 pëia ia dala staziun dla ferata de Balsan (plataforma G, Rittner Straße) y röia tla staziun dla ferata de Maran (plataforma Z dlungia le sotpassaje dla staziun dla ferata) y zoruch. Le bus B200 stá ma chit pro les architades prinzipales di paisc y ne stá nia chit pro la staziun dla ferata: Siebeneich/scora, Terlan/scores, Vilpian/paisc, Gargazon/paisc, Burgstall/ofize dl turism, Maran/termes.
A Balsan stá le bus B200 ince chit pro l'architada "Longonstraße“ tla Freiheitsstraße y dlungia l'ospedal. Les partënza pro les architades amesa ite podará ester n pü' plü tert porvia di tëmps de iade plü lunc.
An pó ince jí cun i bus dla linia 201 Balsan-Maran. Les chertes dla ferata vel tratan döt le tëmp che la linia é stlüta ince sön i bus dla linia 201.
Tó para la roda: Ti bus sostitutifs ne vára nia da tó para la roda.
Avis por porsones cun na mobilité limitada é da ciafé CHILÓ
De plü informaziuns é da ciafé tla seziun Comunicaziuns atuales.
STA/Manuela Tessaro