Da en vëndres, al 1. d'aurí inant, vëgn les restriziuns liades al Covid alisirades tl trasport publich: an mëss inant se vistí la maschera FFP2, mo an n'adora nia plü le Green Pass.
Por archité le Covid êl gnü scrit dant de dezëmber dl 2021 ince por le trasport publich le Green Pass. De jená dl 2022 êl spo gnü preodü ince le dovëi da avëi le Super Green Pass. Da dailó inant podô ma jí cun le bus che che ê varí dal Covid o s'â lascé fá la variora y â insciö na zertificaziun varënta. Al é ma gnü fat n’ezeziun por che che n'â nia ciamó cumplí i 12 agn, sciöche ince por che che jô y gnô da scora.
Dal 1. d’aurí n'adoron nia plü le Green Pass da jí cun le bus y les ferates regionales. Sce an s'anüza indere de ferates suraregionales, sciöche ince de ferates y bus che vá plü lunc adoron ciamó le Green Pass cina ai 30 d'aurí.
Le dovëi dla FFP2
Sön i mesi dl trasport publich velel inant le dovëi da se vistí na maschera FFP2; chësc por ciaré da se stravardé le miú che ara vá dal Coronavirus.
Ti bus y tles ferates ne vëgnel nia plü scrit dant dal 1. d’aurí n numer mascimal de jënt che pó ester tl medemo tëmp sön i mesi dl trasport publich. Por ci che reverda les furnadoies pón s'anuzé inant ma dl 80% dla lerch.
Metede prëibel inant averda!
I ves periun bel da mëte inant averda y da ciaré da fá döt ci che ara vá por ne se taché nia le Covid.