Tema: le zënter de mobilité de Maran
Can: en vëndres, ai 29 de novëmber dl 2024, dales 9.00 ales 19.00
Olá: Maran, salf zivich, strada Otto Huber 8 (cherta)
Do da Porsenú y Bornech dess ince Maran ciafé n zënter de mobilité modern incër chël che al pó se rodé la mobilité integrada.
N punt de incrujada zentral inclusif y saurí da ti podëi pormez, olache al ne sará degönes dificoltés da mudé bus o ferata: chësc dess deventé le zënter de mobilité de Maran nü. Pro le proiet gnarál sambëgn ince realisé assá posć da parché l'auto, posć adassosta da lascé jö la roda y ince plazes da oje por i bus.
Le proiet dl zënter de mobilité de Maran nü gnará presenté da tecnics y tecniches dla Provinzia y dla STA - Strotöres Trasport dl Südtirol SpA a düc i stakeholder y ai zitadins y ales zitadines interessá, tl cheder de na manifestaziun informativa. Al sará ince la poscibilité da fá domandes y propostes.
An pó tó pert al infoday zënza prenotaziun.
Foto/ejëmpl: Zënter de mobilité de Bornech