Che che oress fá na segnalaziun o na proposta che reverda i orars dl 2023 pó le fá cina ai 06.06.2022
I orars de bus dl proscimo dezëmber vëgn sëgn laurá fora. Na pröma suravijiun ciafëise chiló.
Por i ultimi adatamënc pro i orars aspetunse do üsc impulsc sön les linies che pó gní ortiá da atira cina ai 06.06.2022 a chësta misciun e-mail: 2023@suedtirolmobil.info
I orars vëgn ciará jö ne sá ma nia tan de iadi
L’obietif de chësta aziun é da ti dé a che che s’anüza di mësi la poscibilité da organisé para i orars de feter 230 linies dla ferata y dl bus, ejaminé sce i orars de partënza y i coliamënc öga y sce al é loces ti orars o sce ai ne vá nia a öna. I impulsc sön i orars che röia adalerch vëgn ejaminá avisa y – tan inant che ara vá da i realisé – ajuntá pro i orars tl dagní. An mëss tigní cunt che impulsc sön mudaziuns di orars dles ferates se ghira plü tëmp y porchël ne vára nia da fá atira les mudaziuns.
Tröpes segnalaziuns
Le prozedimënt de definiziun dl orar, chël ó dí la partezipaziun direta dla popolaziun da arjigné ca l’orar vëgn aplicada te döta l’Europa feter anfat y é ince gnüda portada ite tres deliberaziun dla Junta provinziala tl Südtirol. Cun gran suzes: Al ti é rové feter 700 e-mails cun impulsc sön les linies dl bus y dla ferata al Ofize provinzial Trasport de porsones. Tröc de chisc é bele gnüs laurá ite ti orars o al é preodü da i ajunté.
Do la reorganisaziun fata te döta la provinzia di sorvisc di bus regionai pëia sëgn ia la realisaziun dl plan dla mobilité provinzial che prevëiga danterater te tröc posć n ampliamënt dl’oferta da sëra y la fin dl’edema