Atualmënter vëgn i sorvisc de bus organisá danü te döt le Südtirol y porchël él por le momënt ma n valgönes mudaziuns di orars.
La secunda domënia de dezëmber é vigni ann le de olache al vëgn atualisé i orars dl bus y dla ferata. En chësc ann tochera fá n'organisaziun daldöt nöia di sorvisc de bus regionai y chësta é na sfidada por dötes les porsones che á da nen fá impara. Chësta vëgn adaldé te de plü fases y fajará fora dal proscimo ann inant na basa completamënter nöia por amplié inant i orars, sciöche preodü tl Plann dla mobilité provinzial. Les brosciüres di orars stampades gnará metüdes a desposiziun te n format da gofa tles proscimes edemes.
Novités tl trafich dla ferata
Dai 12 de dezëmber 2021 él chëstes mudaziuns di orars tla linia dla ferata dl Prener: le coliamënt dla ferata sura le confin diret R 1827 pëia ia da Desproch mesora denant, y plü avisa bele dales 5:49 y röia a Balsan ales 7.53. Insciö él a desposiziun tla Val d'Isarch na ferata implü tratan l'orar de trafich prinzipal che röia a Balsan dales 8:00.
La ferata regionala 17129 ne vá dai 12 de dezëmber nia plü sön la trassa Prener-Balsan, mo sön la trassa Franzensfeste-Balsan-Maran, pian ia da Franzensfeste i dis da laur dales 7:15. La ferata regionala 16033 pëia ia dal Prener dales 7:08.
La ferata regionala 22443 pëia ia dal Prener da trëi menüc dan les 18:00 por schivé che ara tomes adöm cun la ferata EC. Insciö vára da öna na pert mioré la puntualité sön la linia dl Prener, dal'atra pert n'él nia plü le coliamënt dla ferata dala Val de Puster.
Ferata de Puster: tratan l'isté che vëgn jará la ferata de Puster, da mez jügn cina le scomenciamënt de setëmber, vigni mesora ince les sabedes, les domënies y i dis de festa por ti ester al gran numer de jënt che ó tó la ferata.
De pices mudaziuns pro i orars dl bus
La linia dla ferata SASA 111A (Balsan Staziun - Balsan Salewa) á indô ciafé le numer de linia 18. De pices mudaziuns él pro n valgönes linies de cité a Balsan y Maran, y pro i bus regionai él de pici spostamënc di orars de partënza pro les linies 132, 150, 152 y 165. La linia 158 Jenesien-Mölten é gnüda integrada tla linia 157 Afing-Jenesien-Mölten. Na partënza implü a Balsan él dales 16.23 pro la linia 156 Balsan-Jenesien, dal lönesc al vëndres.
A Maran y ti raiuns incëria él n valgügn coliamënc surapró p.ej. pro les linies 235, 237 y 240, pro les linies 245 y 251 vá n valgügn bus ince i dis che al n'é nia scora.