Park & Ride: N'oferta interessanta tla staziun da Pruca por che che á le Südtirol Pass
Soluziuns dla mobilité intermodales
Avisa sciöche pro les staziuns dla ferata de Porsenú y Bornech sarál tosc ince tla staziun de Pruca n azes alisiré por che che á le Südtirol Pass. Che che á le Südtirol Pass pó daurí tl dagní la stangia d'azes cun la cherta.
Che che lascia l'auto sön la plaza da parché y vá da iló inant cun na ferta regionala o cun n bus, ne paia nia la plaza da parché gnon zoruch ciamó le medemo de. Sce an vëgn zoruch le de dedô costa la plaza da parché demanco cun le Südtirol Pass.
Ci che é da paié por lascé jö l'auto vëgn trat jö diretamënter dal cunt dl Südtirol Pass. Che che n'á nia n Südtirol Pass pó paié la plaza da parché cun la cherta de credit, mo dailó él da paié 0,50 euro al'ora.
Co m'anüzi pa dl sorvisc "Park & Ride“?
La condiziun por s'anuzé dl sorvisc "Park & Ride“ é avëi n Südtirol Pass o n Euregio Family Pass cun la metoda de paiamënt postpaid, chël ó dí paié tres n mandat SEPA diretamënter dal cunt bancar.
Implü mëssel gní ativé le sorvisc "Park & Ride“ sön le portal dl'utënza online. Chësc vel ince por le Südtirol Pass abo+ y le Südtirol Pass 65+ (sorvisc surapró a paiamënt).
Che che á n contrat prepaid (cun l'opziun da ciarié sö) mëss naota mudé la metoda de paiamënt sön le portal dl'utënza online y chirí fora la metoda de paiamënt postpaid.
Deplü informaziuns é da ciafé sön nosta plata web.