Cun i 11 de dezëmber vál en forza i orars nüs, les prömes tabeles di orars atualisades é bele online.
La secunda domënia de dezëmber é vigni ann le de olache al vëgn atualisé i orars dl bus y dla ferata. Che che s’la inconforta ales novités ciafa sön chësta plata web bele sëgn na suravijiun dles tabeles di orars dl 2023. Na bona pert di orars nüs é bele gnüs laurá ite, i atri gnará ajuntá man man.
Dit chësc: Cun la mudaziun di orars de dezëmber vëgnel realisé d’atres indicaziuns dl plann dla mobilité provinziala, sciöche ince concretisé impulsc de che che s’anüza di mesi dl trasport publich. Al é preodü danterater l’ampliamënt di coliamënc dl bus te val’ raiuns periferics, bus che vá vigni ora olache ai n’é nia ciamó, de mius coinzidënzes y la desponibilité de coliamënc dl trasport publich surapró dantadöt da sëra y la fin dl’edema.
Al momënt é le mioramënt di orars na gran desfida, ajache al mancia tres ciamó personal tla mobilité publica. Porimpó é i tecnics dl Ofize Trasport de porsones stá bugn da lauré ite cun les firmes di bus n valgügn mioramënc di orars por le 2023. Düc i detais sará tosc danman.