De bunes novités por che che vá incërch sa sëra: do na palsa de dui agn porvia dl Corona vá indô dai 30 d’aurí dl 2022 inant i bus da sëra.
La rëi nöia á coliamënc di bus che vá la sabeda sëra te feter döta la provinzia. Indöt él tla provinzia dai 30 d’aurí inant 19 linies prinzipales de nightliner che coliëia paisc desvalis dla provinzia y posć d’incuntada conesciüs. Al é rové pormez de plü linies prinzipales, pro chëstes toca la N201 Balsan-Maran, N301 Balsan-Porsenú, N310 Porsenú-Sterzing, N165 Balsan-Renon, N180 Balsan-Karerpass y N181 Balsan-Peterberg. La linia N150 Balsan - Sarntal é ince gnüda integrada tles linies prinzipales. I nightliner vá la sabeda de nöt y ai 31 de dezëmber, le nightliner Schlern N170 vá ince le vëndres sön na mëndra trassa.
19 linies prinzipales y sorvisc de shuttle che cür döta la provinzia
La maiú pert di nightliner pita sön les linies prinzipales altamo dui iadi da jí y dui da gní, y plü avisa la sabeda da sëra tert, do mesanöt y la domënia da doman adora. La maiú pert di iadi él n sorvisc de verda sön le bus. I sorvisc de nightliner vëgn finanziá dala Provinzia de Balsan, l’elaboraziun di orars vëgn fata dales comunités raionales o en colaboraziun cun les organisaziun dla jonëza.
Implü él na rëi che cür döta la provinzia de sorvisc de shuttle, coliá cun le iade zoruch di nightliner, che condüj la jënt indô sigüda a ciasa da doman adora.
Chertes y tarifes
Por i bus di nightliner y i sorvisc de shuttle velel chëstes tarifes:
- cherta por un n iade linia prinzipala 3 euro, les chertes pó gní cumprades te bus;
- cherta por döta la nöt por bel anfat tan de iadi cun le nightliner y le sorvisc de shuttle: 5 euro, les chertes pó gní cumprades te bus sön les linies prinzipales;
- cherta por un n iade sorvisc de shuttle 2 euro (mobile ticketing)
Obliteraziun online ince por le nightliner
L’obliteraziun online é ince pro le nightliner l’opziun plü scëmpla. Che che á n Südtirol Pass o n Euregio Family Pass, n Südtirol Pass abo+ o 65+ cun na funziun de paiamënt ativada pó obliteré online cun le smartphone le iade chirí fora - o ince döta la trassa cun le sorvisc de shuttle – denanco pié ia. Le miú prisc de 5 € por un o de plü iadi vëgn garantí te na nöt.
Check-in cun le Südtirol Pass: ti bus di nightliner sön les linies prinzipales él aparac de obliteraziun a na moda che ara vais da obliteré cun le Südtirol Pass o cun le abo+ cun la funziun de paiamënt ativada vigni iade cun n check-in scëmpl. Te chisc bus pón cumpré chertes por un n iade da 3 euro y chertes por döta la nöt da 5 euro.
Metede prëibel averda: les linies de cité de Balsan y Maran da sëra N1, N35 y N13 ne toca nia pro la rëi de nightliner, porchël ne vel les chertes di nightliner y les tarifes nia chiló.
Chiló él dötes les informaziuns y les tabeles di orars por les linies prinzipales di nightliner y i sorvisc de shuttle.