Les plazes da parché dlungia les staziuns dess tl dagní oghé dantadöt por che che vá cun la ferata. Les condiziuns d’adoranza é gnüdes fates fora dala Junta provinziala cun na deliberaziun sön les trarifes.
An metará man cun i zëntri dla mobilité dlungia la staziun dla ferata de Porsenú y Bornech che dauriará tosc. Les plazes da parché i auti nöies iló sartá dal isté dl 2022 da paié. Por che che á le Südtirol Pass velel chësta regola:
che che lascia l’auto sön la plaza da parché dla staziun y vá iló inant cun na ferata regionala - y vëgn indô zoruch le medemo de - pó parché dër bun marcé o debann y le cost vëgn trat jö o dal Südtirol Pass o dal Euregio Family Pass. Le Südtirol Pass öga chiló ince da daurí la stangia jí ite y fora .
Insciö vëgnel paié da parché:
Che che á le Südtirol Pass paia alplü 6 euro por lascé jö l’auto. Sce an vá inant le medemo de o sce an vëgn zoruch le medemo de cun na ferata rgionala, spo vëgnel trat jö chëstes somes: 3 euro sce an obliterëia cun le Südtirol Pass pro la staziun de Bornech y ciamo 3 euro sce an obliterëia indô n iade zioruch pro la staziun de Bornech da chëra che an é piá ia. Chël ó dí: che che s’anüza dla ferata ne paia nia da lascé jö l’auto.
Ativé le pachet surapró Park & Ride
Por s’anuzé de chësc sorvisc pó che che á le Südtirol Pass ativé pro so cunt dl utënt sön le portal dl Südtirol Pass le pachet surapró Park & Ride. La condiziun é avëi n Südtirol Pass o n Euregio Family Pass cun n contrat postpaid (i scioldi vëgn trac jö tres la banca). Ince cun le Südtirol Pass abo+ y Südtirol Pass 65+ pón s’anuzé de chësc sorvisc, tan inant che al é gnü ativé n contrat postpaid y la funziun de paiamënt é gnüda ativada.