Al é bele 10 agn che le le Südtirol Pass caraterisëia la mobilité publica tl Südtirol. Le bilanz é de: 234.000 contrac stlüc jö y 2,5 miliuns de fatures scrites fora.
Ai 14 de forá dl 2012 él gnü metü sö le Südtirol Pass y insciö la poscibilité da paié saurí y zënza burocrazia diretamënter tres le cunt bancar les spëises de iade. Les prömes fatures é gnüdes dades fora d’isté dl 2012, laota ciamó tres na dita de sorvisc. La STA á surantut al 1. de ma dl 2017 la faturaziun di iadi y l’aministraziun dl Südtirol Pass. Pro passa 40.000 obliteraziuns al de dl Südtirol Pass nen vára de n sistem de dac ampl y comples da gestí, che che che vá cun i mesi ne vëiga sovënz nia. De setëmber dl 2022 él gnü passé i 2,5 miliuns y dé fora la fatura numer 2.501.904.
Bun da savëi
Al momënt vëgnel adoré incër 122.000 Südtirol Pass y Euregio Family Pass, 52.000 de chisc á n contrat postpaid, olache al é diretamënter la banca che paia y por chi che al vëgn dé fora regolarmënter na fatura dl Südtirol Pass. N pü’ de plü co le mez dles fatures vëgn incö ortiades digitalmënter tres le cunt dl utënt. N pice detai damproia: tres l’ortiada online dles fatures dl Südtirol Pass éra jüda da sparagné cina sëgn cina 16,3 tonelades de papier.
Y chiló vára ciamó da fá valch: feter 25.000 cliëntes y cliënc ciafa tres ciamó les fatures dl Südtirol Pass. Che che n’oress nia plü ciafé la fatura por posta pó damané do tl cunt utënt cun püc clics che al ti vëgnes ortié les fatures digitalmënter, y plü avisa sot „Modalités de paiamënt y sort de fatura“.