Jí cun i mesi de trasport publics dla rëi südtirolmubiltà é val' che pendolars y pendolares, scolares y scolars, sciöche ince families fej vigni de. Tl dagní dessel ester ciamó plü saurí da jí cun i mesi de südtirolmubiltà y al dess jí a öna cun i bojëgns desvalis dla jënt che s'un anüza.
Ci él pa danü?
Dal 1. de jügn inant ciafon, a pert le Südtirol Pass cun fatura aladô di chilometri, ince n ater abo che é avisa por jënt che vá vigni de o tröp cun i mesi de trasport publics.
Ci caraterisëia pa chësc abo nü?
- Le abo á n prisc fis: le Südtirol Pass nü costa 250 euro al ann y é ince da ciafé por 39 euro al mëis;
- le abo nü pó ma gní cumpré online sön le portal dl utënt nü. Al mëss gní dé dant n meso de paiamënt varënt;
- al vel por düc i mesi de trasport publics locai (les ferates che vá lunc, i bus de linia sajonai y i sorvisc surapró, sciöche tó para la roda, é stlüc fora da chësta oferta).
Südtirol Pass y abo+ nü?
L'oferta nöia s'adressëia ince ales families. Sce n genitur cumpra n abonamënt anual al prisc fis de 250 euro, n’án nia bria da paié por arlungé o dé fora danü le Südtirol Pass abo+.
Bun da savëi: Iniann pón damané do l'arlungiamënt dl Südtirol Pass abo+ da jügn inant.
Y la jonëza?
Al é ince vantaji por la jonëza. Che che á demanco co 26 agn pó cumpré le abo U26 por 150 euro al ann (o 20 euro al mëis). Al vëgn ma tigní cunt dl'eté y nia dla frecuënza dla scora.
Les proscimes edemes presentunse l'oferta de südtirolmubiltà nöia.