Tò pea la roda
Dagnora se tó para la roda, mo ma a certes condiziuns
Sce an se tol para la roda ti mesi dl trasport publich él da paié y an pó ma tó para intan de rodes porvia dla lerch y dla segurëza. Sce tröpa jënt vá cun i mesi, pó le personal di mesi proibí da tó para la roda.
Cherta de n de por se tó para la roda: 7 euro (de plü infos).
Tarifa dl de por che che á le Südtirol Pass: 3,50 euro
Cun la funziun de paiamënt ativada sön Osc Südtirol Pass, Euregio Family Pass, Südtirol Pass abo+ o Osc Südtirol Pass 65+ pón paié la tarifa dl de por se tó para la roda.
Les tarifes por se tó para la roda vel ince por les furnadoies de südtirolmobil y por i roller y e-roller nia da mëte adöm.
La Bikemobil Card cun l'imprëst dla roda - Cun la bikemobil Card pón s'impresté fora döt l'isté pro partner che fej para na roda a tarifes al de speziales y s'anuzé zënza limitaziuns di mesi dl trasport publich tl Südtirol.
Metede prëibel averda: Se tó para la roda ti mesi dl trasport publich ne vëgn te chisc caji nia preodü, ajache les rodes imprestades fora pó indô gní dades jö pro ci post de sostëgn che an ó.
Les tarifes vel ma por i mesi dl trasport publich de südtirolmubiltà y por les ferates regionales cina Trënt.
- Les furnadoies de südtirolmubiltà: Por se tó para la roda tla furnadoia dl Renun y dla Mendola velel des desposiziuns sön les tarifes de südtirolmubiltà (cherta dl de 7 euro y Südtirol Pass 3,50 euro);
- Ferata dl Renun: An ne pó nia se tó para la roda.
- Pro les ferates interregionales velel les tarifes y les chertes da tó para la roda de Trenitalia por i iadi plü lunc cuntra süd;
- Les linies sura i confins fora - ÖBB y VVT vënn chertes a pert por i iadi devers dl Tirol dl Nord o dl Ost (Prener - Desproch o Sanciana - Lienz);
- Pro les furnadoies de Kohlern, Vöran, Mölten y Meransen velel d'atres tarifes.
Rodes da tó para debann
- Rodes por mituns (sot 20 unces);
- rodes da fá adöm y da öna na roda (te bus o tla lerch por i cufri o te na tascia);
- remorcs por la roda: vëgn tuc para debann te ferata y destacá dala roda;
- hand-bike: pón se tó para debann te ferata, te bus ma sce al é lerch tl post di cufri;
- roller y e-roller: fac adöm vëgni de regola tuc para debann y conscidrá cufri a man (ti bus sostitutifs vára inant da tó para roller y e-roller).
Ezeziun: Te ferata pón ince tó para roller y e-roller nia fac adöm; la tarifa é la medema co sce an toless para la roda.
Ferata regionala: an pó se tó para la roda tan inant che al é lerch assá. Tles ferates regionales pól gní tut para ca. 16-20 rodes ti partimënc aposta, an ne pó nia resservé n post. Tröpes rodes sön les plataformes dla staziun dla ferata y tles ferates é n problem por la segurëza. Sce al é massa jënt pó le personal ince proibí da se tó para la roda; al ne vëgn nia garantí che dötes les porsones cun na cherta varënta pois senté sö cun süa roda.
Bus regionai: An pó ma se tó para la roda te caji ezezionai, ajache tla maiú pert di bus n'él nia lerch da les mëte.
Bus de linia devers de de bi traverc de jites: val' bus á n portadú dles rodes olache an sciafia da mëte sö ca. 5-6 rodes.
- Sön i orars él dlungia chisc iadi n "A".
- Pro les architades olache an pó ciarié sö les rodes ti bus él le simbol de na roda.
- Apostede prëibel: An ne pó nia se tó para la e-bike.
Bus de cité y citybus: An ne pó nia se tó para la roda.
D'aisciöda- isté-altonn dl 2024 él val' portadus de rodes olache al á lerch por ca. 5-6 rodes sön chëstes linies dl bus:
- Linia 273 Mals – Landeck (01.05.-03.11.2024)
Dal 15.06. inant él pro n valgügn iadi (tl orar él scrit dlungia n “A”) portadus dles rodes. - Linia 245 Maran – Lana – Ulten (26.03.-05.11.2024)
- Linia 184 Weissenstein – Obereggen – Karerpass (15.06.-13.10.2024) pro i iadi di bus cun portadus de rodes él dlungia n "A"
- Linia 189 Jochgrimm – Petersberg/Balsan (15.06.-13.10.2024) pro i iadi di bus cun i portadus de rodes él dlungia n "B"
- Linia 321 Porsenú – St. Andrä - Plose (03.04.-05.11.2024)
- Linia 445 Toblach - Cortina (04.05.-04.11.2024)
Tl orar él dlungia les architades olache al pó gní ciarié sö te bus les rodes le simbol de na roda.
An ne pó nia se tó para la e-bike (ezeziun: bus cun remorcs por les rodes dla linia 273).
Linia dla ferata Maran - Mals (dai 25 d'aurí cina ai 27 d'otober dl 2024): ativaziun de n sorvisc de shuttle por le trasport dles rodes.
I orars dl sorvisc de trasport dles rodes pro la staziun de Maran (architada dl bus, plataforma Z) é dales 9:16, 10:16, 15:16 y dales 16:16. Tles staziuns de Maran, Algund y Marling ne pón nia se tó para la roda tla ferata dla Venosta tratan i orars de trafich prinzipai. La proibiziun vel vigni de dales 9:00 ales 12:00 y dales 15:00 ales 17:00.
Al pó gní trasporté alplü 30 rodes (cun lapró ince e-bikes). An pó dé jö les rodes alplü 30 menüc cina 5 menüc denant che sorvisc de trasport pëies ia. La roda pón indô jí a se tó te chëstes staziuns: Naturns, Latsch, Schlanders, Spondinig y Mals.
Chertes y cosć - Le prisc dla cherta por le sorvisc de trasport dla roda é anfat a chël che an paia por se tó para la roda ti mesi publics de südtirolmobil.
Por de majeri grups él la poscibilité da prenoté le sorvisc de trasport dles rodes al numer de telefon +39 0473 201500 (dales 8:00 ales 18:00).
La ferata dla Venosta: i iadi da sëra toma fora
Porvia di laurs de eletrificaziun dla ferata dla Venosta tomel fora da sëra les ultimes trëi ferates devers de Mals y les ultimes döes ferates devers de Maran. Al vëgn pité n sorvisc de sostituziun dla ferata, olache an ne pó nia se tó para la roda.
Dötes les informaziuns sön le sorvisc de sostituziun dla ferata é da ciafé chiló.