Isté cun les furnadoies 2025

Se gode l'isté sön nostes munts!

Ince chësc isté vára indô da jí da munt sö cun le Südtirol Pass.

L'aziun "Isté cun les furnadoies" vëgn ince indô pitada tratan la sajun da d'isté 2025, por fá a na moda che la mobilité publica sides ciamó plü interessanta y por che ara vais da se gode nostes beles munts a n bun prisc.

Anüzete ince tö dla poscibilité da jí sö por munt cun i implanc portamunt y godete l'isté.

En colaboraziun cun la Lia dles firmes dles furnadoies dl Südtirol pó jí dötes les porsones che á le Südtirol Pass, l'Euregio Family Pass, le Südtirol Pass abo+, le Südtirol Pass 65+ o le Südtirol Pass free cun les furnadoies sö por munt a n prisc smendrí (sconto de almanco le 30 porcënt). Tröc implanc portamunt fej para.

• Scomenciamënt dl'aziun: scomenciamënt dla sajun da d'isté dles firmes dles furnadoies
• Fin dl'aziun: fin dla sajun da d'isté dles firmes dles furnadoies
   

N'aste nia ciamó n Südtirol Pass?

Dötes les porsones che á n Südtirol Pass o che damana dai 7 ai 16 de forá dl 2025 do n Südtirol Pass nü, pó se gode l'isté cun les furnadoies 2025.

Aste bele fat para l'ann passé?

Sce t'as bele tut pert ala scomenciadia "Isté cun les furnadoies 2024“, poste tó pert cun l'adesif sön le Südtirol Pass da l'ann passé ince al'aziun da chësc ann.
Mostra to Südtirol Pass (cun lassura l'adesif) y tüa cherta d'identité pro cassa canche te vas sö por munt cun n implant portamunt dles firmes dles furnadoies che fej para.

Ci mëssi pa fá sce i á tut pert l'ann passé, mo l'adesif é tomé jö de mi Südtirol Pass?

Degun problem! Te chësc caje poste jí dai 17 d'aurí dl 2025 inant te n infopoint de südtirolmubiltà (Balsan, Bornech, Lana, Maran, Türesc, Eppan, Mals) y damané do n duplicat dl adesif. Chësc poste spo taché sö sön to Südtirol Pass.

*L'aziun vel ma por che che á le Südtirol Pass, l'Euregio Family Pass, le Südtirol Pass abo+, le Südtirol Pass 65+ o le Südtirol Pass free. Al é stlüt fora les Mobilcards y le Südtirol Guest Pass y le Südtirol Pass Business.

Les furnadoies che alda bele pro le Südtirol Pass (Renun, Mendola, Kohlern, Mühlbach-Meransen, Vöran y Mölten) é stlütes fora da chësta aziun.