bikemobil Card
Furné ncantëur tl Südtirol: cun la curiera, la ferata y la roda
La bikemobilcard ciafon indô dal'aisciöda dl 2024 inant!
La bikemobil Card cunliëia doi ufiertes: la ie na cherta de viac per duc i mesuns de trasport publics tla provinzia y dà oradechël la puscibltà de fé na jita de n di cun na roda de mprëst (model standard). Mutons/Mutans danter 6 y 13 ani giapa la bikemobil Card coche cherta junior a n priesc arbassà.
Coche cherta de viac persunela vel la bikemobil Card per duc i mesuns de trasport publics tl Südtirol, per la ferates regiuneles y chëles regiuneles-express nce nchin a Trënt coche ënghe per viages cun l PostAuto Schweiz danter Mals y Müstair. Per dut n di possen se mpresté ora limpea nce na roda de mprëst, per na jita de n di o per na jita de n di cumbineda cun la curiera, la ferata y la roda. La roda de mprëst possa dadedò unì data ju pra una dla lueges dla urganisazions de mprëst respetives: Südtirol Rad, Papin Sport o Südtirolbike. Avis: La bikemobil Card ne dà nia la rejon de se tò pea la roda sun i mesuns de trasport publich.
La bikemobil Card nel vel nia por iadi cun les ferates che vá lunc (por ej. EC, Railjet, Frecciargento, Italo) y n valgönes linies dl bus turistiches:
- la linia 444 Toblach-Misurina-Trëi Pizes de Lavarëi;
- linia 440 Kreuzbergpass-Fischleintal-Le Sest;
- shuttle linia 439 Valsperch-Braies;
- linia 442 Toblach-Niederdorf-Braies dai 10.07 ai 10.09.2024.
La bikemobil Card ie da giapé
- pra la lueges de venduda südtirolmubiltà autorisedes,
- ti ufizies turistics,
- pra i mprësć de rodes che fej pea.
La bikemobil Card ie na cherta de viac contactless persunela y nia trasferibla. La muessa unì cunvalideda dan uni viac pra i njins de cunvalidazion brums tla stazions o tla curiera. Per fé chësc tlechel tenì la cherta contactless permez al sensor.
* L priesc vel per la Junior Bike nchin 24''
Nfurmazions sun l mprëst de rodes “Südtirol Rad”: www.suedtirol-rad.com
Nfurmazions sun l mprëst de rodes “Papin Sport“ sot a: www.papinsport.com/de/
Nfurmazions sun l mprëst de rodes „Südtirolbike“ sot a: www.suedtirolbike.info