museumobil Card
Se goder la cuntreda, viver la storia y la cultura
La museumobil Card cunlieia doi ufiertes: la ie na cherta de viac per duc i mesuns de trasport publics tla provinzia, per la ferates regiuneles y regiunels-express nce nchin Trënt y per i viages cun l PostAuto Schweiz danter Mals y Müstair. Sön la linia dl bus 273 Mals-Landeck vel la museumobilcard cina ala fermada Pfunds/Kajetansbrücke. Tl medemo mumënt iela nce na cherta de ntreda per respetivamënter una na vijita te n museum te n 90 museums, mostres y culezions tl Südtirol. La museumobil Card ie da giapé per 3 o 7 dis ndolauter. Mutons / Mutans danter 6 y 13 ani giapa la museumobil Card coche cherta junior a n priesc arbassà.
La museumobil Card nel vel nia por iadi cun les ferates che vá lunc (por ej. EC, Railjet, Frecciargento, Italo) y n valgönes linies dl bus turistiches:
- la linia 444 Toblach-Misurina-Trëi Pizes de Lavarëi;
- linia 440 Kreuzbergpass-Fischleintal-Le Sest;
- shuttle linia 439 Valsperch-Braies;
- linia 442 Toblach-Niederdorf-Braies dai 10.07 ai 10.09.2024.
La museumobil Card ie da giapé
- pra la lueges de venduda südtirolmubiltà,
- ti ufizies dl turism,
- te n valgun museums.
La museumobil Card ie na cherta de viac contactless persunela y nia trasferibla. La ie da cunvalidé dan uni viac pra i automac de cunvalidazion brums tla curieres y tla stazions. L tleca tenì la cherta contactless permez al sensor.
Sun la pert dovia dla cherta contactless iel, dan che n l’adrova per l prim iede, da scrì l inuem y la data de validità (3 o 7 dis de calënder dala prima cunvalidazion).
Per la vijita di museums o dla mostres ie la museumobil Card da mustré dan la ntreda.
| Persones adultes | Junior (da 6 a 13 ani) | |
|---|---|---|
| museumobil Card 3 dis | 55,00 Euro | 27,50 Euro |
| museumobil Card 7 dis | 65,00 Euro | 32,50 Euro |