Dai 16 de forá dl 2025 cina de merz dl 2026 gnará le trassa dla ferata dla Venosta stlüta a toc dala STA - Strotöres Trasport dl Südtirol SpA, che manajëia l'infrastrotöra. Impröma gnarál stlüt le toch Laas-Mals.
Da otober dl 2025 inant gnarál ince stlüt le toch danter Maran y Laas. Tratan chësc tëmp gnarál fat laurs por modernisé döta la linia dla ferata y al gnará ince conzedü la poscibilité da porté ite tecnologies nöies y da passé al sorvisc dla ferata eletrifiché sön döta la trassa danter Maran y Mals.
Tratan la stlüta él preodü da fá de gragn laurs tecnics: i implanc de segnalaziun vedli gnará tuc demez, al gnará istalé y colaudé les linies tl'aria nöies y le sistem de segnalaziun ETCS (European Train Control System) modern.
Implü vëgnel programé l'omologaziun y iadi de proa cun les ferates eletriches nöies y cun chëres a diesel convertides. Al gnará ince porvé fora les metüdes a tera y i sistems de segurëza por garantí i standards de segurëza plü alc.
Da d'aisciöda dl 2026 jarál spo indô la ferata sön döta la trassa.
Sorvisc sostitutif cun corieres
Tratan döt le tëmp de stlüta dla ferata gnarál metü a jí n sorvisc sostitutif cun corieres.
Plü inant gnarál dé de plü informaziuns sön i orars dles corieres che sostituësc la ferata.