La spëises per l abunamënt dl trasport local publich possa unì trates ju dla chëutes. La südtirolmubilità mët a despusizion a si tlientes y tlienc la lista persunela online.
Duta la spëises che ie unides fates tl ann 2022 per l Südtirol Pass, per l Euregio Family Pass, per l Südtirol Pass abo+ y l Südtirol Pass 65+ possa unì trates ju dala chëutes aldò dla lege sun l bilanz statela di 27 de dezëmber 2019. Indicazion: L ie mé puscibl tré ju chëla spëises che ie unides fates cun n paiamënt trassabl (p.ej. Bancomat, bonifich, cherta de credit y n.i.).
La spëises possa unì trates ju dala chëuta dla ntredes de chëst ann (IRPEF) y chël tla mesura dl 19 percënt sun na soma ntiera de al plu 250 Euro. Cumpededes leprò pra chësta soma ntiera possel unì sibe la spëises anueles per l Südtirol Pass o l Euregio Family Pass sibe nce la somes o la pausciales per l abo anuel per cumëmbri de familia che viv a cëria.
Tlo ve metons a despusizion na sëuraududa cun duta la spëises per l abunamënt registredes dl ann 2022, che ie sot a ti inuem, unfat ciuna che ie la forma de paiamënt. Chësta lista ne remplazea nia la cubites de paiamënt. L resta inant tla respunsabilità di tlienc y dla tlientes de tenì su la cubites de paiamënt y de les prejenté tl cajo de n cuntrol.
Dala soma ntiera dla spëises anueles per l abunamënt iel nce mo da tré ju la spëises eventueles cun l Südtirol Pass o cun d’autri abunamënc che ie unides retudes dal datëur de lëur.