Che che s’archita sön le iade a Balsan pó lascé les tasces, i cufri, les rodes y d’atres cosses tla staziun de Balsan.
Olá ia cun i cufri? Chësc é ci che les porsones che vá cun le bus y la ferata se damana tres indô. Jí a ti ciaré al marcé da Nadé da Balsan, jí a fá na jita sön Renun o jí a ciafé la parentela – cufri o de gran tasces n’oresson nia se stracé do. Tla deponüda di cufri dla staziun dla ferata da Balsan atira dlungia l’entrada prinzipala dlungia la scina n. 1, pól gní dé jö a paiamënt de vigni sort de cosses.
La deponüda Basecamp Dolomites vëgn menada da privac y é daverta dales 9.00 ales 18.00; an n’á nia bria da aposté por lascé iló i cufri. Les tarifes vá a öna cun les tarifes dles atres staziuns tla Talia y vëgn calcolades insciö: 6 euro a cufer por les prömes 5 ores, spo 1 euro a ora por vigni cufer. Por tigní sö plü dî i cufri él tarifes aposta.
De plü info sön düc i sorvisc che vëgn pitá por che che s’anüza di mesi de trasport é da ciafé sön la plata web www.basecampdolomites.com o al numer de tel. +39 0471 971733 o por e-mail: info@basecampdolomites.com.