Chësc ann é l’eletrificaziun dla ferata dla Venosta te na fasa dezisiva. A chësta moda vëgnel tut y jü vare por vare le sistem de segnalaziun vedl; tl medemo tëmp vëgnel istalé, testé sciöche al toca y omologhé sön les ferates che é bele y sön les ferates nöies la condüta nöia y le sistem de gestiun dla ferata europeich ETCS – European Train Control System. Chësta é la rajun ciodiche al mëss gní stlüt la trassa naota en pert danter Laas y Mals y spo d'altonn daldöt danter Maran y Mals.
Chiló ciafëise dötes les domandes sön la stlüta dla linia y le sorvisc de sostituziun.
FAQ - Domandes che vëgn dant sovënz
Stüta Laas-Mals dai 16 de forá dl 2025 inant
- Da en domënia, ai 16 de forá dl 2025 cina en sabeda, ai 25 d'otober dl 2025 é la linia dla Venosta stlüta danter Laas y Mals.
- Sön la trassa che romagn danter Maran y Laas vá la ferata dla Venosta da n'atra ora (vigni mesora).
- De sëra romagn döta la linia stlüta por les ferates (Maran-Mals).
Tratan chësta stlüta vál i bus sostitutifs.
Sorvisc sostitutif cun corieres
Deplü informaziuns é da ciafé chiló o tl'app südtirolmubiltà.
Les linies dl bus 271 y 272 vëgn adatades dai 16 de forá dl 2025 inant
Porvia dla stlüta dla ferata dla linia dla Venosta vëgnel adaté tla pert alta dla valada ince les linies dl bus 271 y 272 da en domënia, ai 16 de forá dl 2025 inant y tratan döt le tëmp dla stlüta. Sön tramesdöes les linies dl bus vá le bus vigni ora y stá chit pro vigni architada sön la trassa.
- La linia 271 Sulden/Trafoi – Stilfs – Spondinig vëgn arlungiada cina la staziun dla ferata de Laas.
- Ince i bus dla linia 272 Mals – Glurns – Prad – Spondinig vá cina tla staziun dla ferata de Laas. Atramënter co pro i bus di mesi dl trasport sostitutifs B250 (Mals – Schluderns – Spondinig – Eyrs – Laas) é i bus dla linia 272 n pü' plü dî sön le iade, ajache ai ne vá nia tres Schluderns, mo tres Glurns y Prad, y stá chic pro dötes les architades. Pro la architada Schluderns, staziun dla ferata ne stá le bus nia chit.
Stlüta Maran-Mals da otober dl 2025 inant
Da en domënia, ai 26 d'otober dl 2025 - y bonamënter - cina la fin de merz dl 2026, vëgn spo stlüta döta la trassa dla ferata dla Venosta (Maran-Mals). Sön la trassa Laas-Mals vá i mesi tratan i dui mëisc suandënc ma da doman o da sëra.
Dötes les informaziuns sön i mesi sostitutifs tratan la stlüta totala da otober dl 2025 inant gnará atualisades tresfora y an les ciafarátl'app y sön la plata web.
De plü informaziuns
Düc i orars y les informaziuns atuales é da ciafé sön nosta plata web.
Trasport dla roda: Ti bus sostitutifs ne vára nia da se tó para la roda.
Damané do sorvisc de assistënza canche an sënta sö, vëgn jö o tol la coinzidënza: Por ci che reverda i sorvisc dla ferata y de sostituziun dla ferata gnëise daidá da Sale Blu (www.rfi.it). Por le iade dl sorvisc de sostituziun pón contaté diretamënter la dita de trasport tres e-mail prm@sad.it o al telefon +39 0471 450111.