Mobilcard

Vacanzes tl Südtirol: tòlete liede dal auto!

Cun la Mobilcard possa duc i mesuns de trasport publich te nosta provinzia, nce la ferates regiuneles y regiunels-express nchin Trënt y l auto dla posta svizer (PostAuto Schweiz) danter Mals y Müstair unì nuzei tan suvënz che n uel. Sön la linia dl bus 273 Mals-Landeck vel la mobilcard cina ala fermada Pfunds/Kajetansbrücke. La Mobilcard ie da avëi per 1 n di, per 3 o per 7 dis ndolauter. Mutons/Mutans danter 6 y 13 ani giapa duta la Mobilcards a n priesc arbassà tla forma de chertes-junior.

La Mobilcard nel vel nia por iadi cun les ferates che vá lunc (por ej. EC, Railjet, Frecciargento, Italo) y n valgönes linies dl bus turistiches:

• la linia 444 Toblach-Misurina-Trëi Pizes de Lavarëi;
• linia 440 Kreuzbergpass-Fischleintal-Le Sest;
• shuttle linia 439 Valsperch-Braies;
• linia 442 Toblach-Niederdorf-Braies dai 10.07 ai 10.09.2024.

La mobilcard ie da giapé

• online tl’app dla südtirolmubiltà,
• pra la lueges de venduda südtirolmubiltà,
• ti ufizies dl turism,
• pra i automac de chertes südtirolmubiltà tla stazions,
• pra la purteles de chertes de viac tla stazion de Trënt,
• tl zënter d'informaziun dla VVT tla staziun dla ferata a Desproch (an ciafa la cherta dl de Mobilcard por porsones adultes por 1, 3 o 7 dis indolater; la Mobilcard pó gní obliterada tla staziun dles ferates a Desproch pro i aparac d'obliteraziun bröms y vel pian ia dal Prener por döt le Südtirol). 

La Mobilcard ie na cherta de viac persunela y nia trasferibla tla forma de na cherta contactless. La Mobilcard muessa unì cunvalideda dan uni viac pra i njins de cunvalidazion brums tla curiera o tla stazions. L tleca tenì permez la cherta contactless dancà pra l sensor tl cunvalidadëur.

Sun la pert dovia dla cherta contactless iel, dan che n l’adrova per l prim iede, da scrì l inuem dl tituler/dla titulera dla cherta y la data de validità (l medemo di o 3 o 7 dis de calënder dala prima cunvalidazion). 

Priejes

Download flyer