Stuel a rodes y bagl

Curieres, ferates, stazions – ti dé a duc la puscibiltà de se muever

Tl Südtirol se proven a ti alesiré la nuzeda di mesuns de trasport publics ai/ala passajires che stënta a se muever y l azes a chiche furnea cun bagli y pucajia cialan de mantenì i azesc puscibilmënter zënza rëms, almanco ulache i raions ie de nfluenza dla Provinzia. Ti ani passei iel te truep luesc unì auzà plataformes y fat auzàderi. L vën adurvà ferates y curieres cun ntredes a plataforma bassa y cun lueges aposta y seguredes per stuei a rodes y bagli. A chësta tematica ti uniral nce tl daunì dat na gran mpurtanza.

Ferates regiuneles

Tl trasport dla ferates regiunel tla provinzia de Bulsan iel belau mé n funzion vagons cun ntreda a plataforma bassa y nce dedite ie i vagons fac a na maniera che l ie lerch per stuei a rodes y bagli. Chësta ferates ie seniedes cun n stuel a rodes tla tabeles di orares südtirolmubiltà.
La majera pert dla stazions tl Südtirol y dutes chëles che ie tl raion de nflunza dla provinzia de Bulsan à plataformes auzedes y auzàderi. Tla stazion de Bulsan à persones cun na mubiltà limiteda la puscibiltà de se damandé n servisc de assistënza de viac: SalaBlu: salablu.verona@rfi.it.

Curieres

L trasport de persones sun n stuel a rodes y de popsc te bagli ie puscibl te belau duta la curieres tla lerch resserveda per chësc. Sënies de indicazions curespundënc ie aplichei dedora sun l veicul.

Tla curieres muessa sibe i stuei a rodes sibe i bagli unì metui tla lerch aposta y segurei ntan l viac. Sce chësta lerch ie bele ocupeda ne daussel per rejons de segurëza nia senté su tla curiera mo n auter passajir cun n stuel a rodes o n bagl, ajache l muessa unì respetà la puscibiltà per i/la passajires de jì ite y ora zënza rëms.